Fermandeyê CENTCOMa Amerîkayê gihîşt Hewlêrê
Hewlêr – Serokê Herêma Kurdistanê Mesûd Barzanî pêşwazî li Fermandeyê Navenda Operasyonan a Artêşa Amerîkayê (CENTCOM) Lloyd Austin kir.
Îro danê êvarê, Fermandeyê Navenda Operasyonan a Artêşa Amerîkayê, Lloyd Austin gihîşt Başûrê Kurdistanê û ji aliyê Serokê Dîwana Serokatiya Herêma Kurdistanê Dr. Fuad Husên û Berpirsê Fermangeha Pêwendiyên Derve Felah Mistefa ve hat pêşwazîkirin.
Li gorî agahiyên Rûdawê, Lloyd Austin bi Barzanî re hevdîtin pêk aniye û her duyan li ser pêşdeçûnên Pêşmerge di şerê DAIŞê de gotûbêj kirine.
Di civînê de Wezîrê Pêşmerge Mistefa Seyîd Qadir û Şêwirmendê Encumena Asayişê ya Herêma Kurdistanê Mesrûr Barzanî jî amade bûn.
General Austin beriya ku serdana Başûrê Kurdistanê bike, li Bexdayê bi Wezîrê Parastinê yê Iraqê re hevdîtin pêk anîbû.
(Rûdaw)
