Kurtejiyana kandîdên YNK bo postê serokomar
Piştî çend civînan polîtburoya Yekîtiya Niştimanî ya Kurdistanê duh danê êvarê postê berbijêrên postê serokomarê Êraqê yek alî kir û biryar da ku her du berbijêrên YNK (Dr. Fuad Mesum û Dr. Berhem Salih ) weku kandîd biçîne parlemana êraqê û me jî div ê babetê de kurtejiyana her du kandîdên Yekîtî bo postê serokomarê Êraqê bi we didin nasînê.
Jiyannameya Dr. Berhem Salih:
Dr. berhem Ehmed Salih di sala 1960`an de li bajarê Silêmaniyê li Kurdistana Êraqê jidayîk bûye û li dawiya sala 1976`an pêwendî bi rêzên Yekîtiya niştimanî ya kurdistanê re kiriye.
Sala 1979 du car ji aliyê rêjîma be`s ve bi tometa pêwendiya bi rêzên tevgera riozgarîxwaz a kurdistanê li Kerkûkê hatiye girtin.
Piştî azadkirina ji zîndanê xwendina xwe a amadeyî bi serkeftî temam kiriye û pileya yekem li ser asta Kurdistanê û pileya sêyem li ser asta Êraqê bi dest xistiye û piştre ji ber çavdêriya hêzên emnî, Êraq bi cî hêştiye û berê xwe daye Birîtanya.
Destpêka salên 80`an bûye berpirsê YNK li Londonê paytexta Birîtanya. Xwendina zanîngehê temam dike û bawernameya bekaloryos li endazyarî medenî û bînasaziyê di sala 1983`an de li zanîngeha Kardiv li Birîtanya bi dest dixe.
Dr. berhem Salih, di sala 1987`an jî bawernameya diktora di biwarê amar û praktîzeyî computer li endazyarî giştî li zanîngeha Lîverpol li birîtanya bi dest xist û weku endazyarê rawêjkar li kompaniyekî ewrupî kar kiriye.
Sala 1992 di kongireya YNK de bi endamê serkirdayetiyê hate hilbijartin û erkê birêvebirina mekteba pêwendiyan li Emerîka pê hate spartin.
Dr. Berhem nûnerê yekemîn kabîneya hikûmeta herêmê bû li piştî hilbijartina yekemîn parlemana Kurdistanê di sala 1992 û bû bi berpirsê pêwendiyên derve li Emerîka li Waşinton.
Di navbera 2001 ta nîvê sala 2004 serokê encûmena wezîran a hikûmeta Herêma kurdistanê bûye.
Sala 2004 cîgirê serokwezîrê hikûmeta demkî a Êraqê bûye û piştre di sala 2005`an bûye wezîrê plandananê li hikûmeta intîqalî ya Êraqê û piştre jî bûye bi cîgirê serokwezîrê hikûmeta hilbijartî a Êraqê (Hikûmeta Nurî Malikî) di karûbarên aborî de.
Piştî hilbijartinên 25/7/2009 bû bi serokê hikûmeta Herêma Kurdistanê.
Dr. Berhem Salih xwediyê torekî berfereh ê pêwendiyên Kurdistanî, Êraqî û herêmayetî û navdewletiye û weku siyasiyekî miyanrew li gel hemû hêz û rewtên siyasî ên welat de vekiriye û xwediyê pêwendiyekî xurte li gel navendên mîdyayî û ronakbîriyê ye.
Li dawiyê jî eve maye em bêjin ku Dr. berhem Salih xêzandare û bavê kurek û keçekê ye.
Jiyanameya Dr. Fuad Mesum:
Mihemed Fuad Mesum Hewramî kurê Amînexanê ye û bi (Dr. Fuad Mesum) tê naskirinê. Hevalê zaroktî û gêncîtî û pêşmergayetî yê Mam Celale. Di sala 1938`an li bajarê koyê yê başûrê Kurdistanê jidayîk bûye.
Dr. fuad Mesum di temenê 18 salî de li dibîstanên olî yên Kurdistanê de xwendiye. Sala 1958`an diçe Qahîrayê û li zanîngeha Ezher dest bi xwendina zanistên îslamî dike û bawernameya bbekaloryos û master bi dest dixe û piştî wê bawernameya diktorayê li heman zanîngehê li ser felsefê bi dest dixe.
Dr. Fuad endamê hizba komonîst ê Êraqê bû, lê belê piştî ku diçe Sûriyê û li gel sekreterê hizba komonîst a sûriyê Xalid Bekdaş dibîne û helwesta wî libarê pirsa Kurd e dizanê dev ji komonîstiyê berdide û di sala 1964`an de dibe endamê Partiya Demokrata Kurdistanê.
Sala 1973 – 1975`an li qahîrê nûnerê Barzanî û şoreşa Kurdistanê dimîne.
Di sala 1976`an yek ji damezrênerê Yekîtiya Niştimanî ya Kurdistanê bûye û heya sala 1992`an jî sekreterê Yekîtiya Şoreşgeran bûye.
1992`an buye bi serokê yekemîn kabîneya hikûmeta herêma Kurdistanê ye.
2003 piştî ruxana rêjîma sedam Husên çuye Bexdadê û endamê şanda nûneratiya başûrê Kurdistanê buye.
2004 serokê yekemîn parlemana demkî a Êraqê bûye.
Serokê fraksyona hevpeymaniya Kurdistanî li parlemana Êraqê bo 2 xolan buye.
Li dawiyê jî Dr. Fuad Mesum li gel Ronak Ebdul Wahid Mistefa piştî 60`an hevsergîrî kiriye û bavê 5 keçan e her weha bavê kurekî jî bû lê kurê wî di temenê gêncîtiyê de jiyan ji dest daye.
PUKmedia/Taybet
