Serokê Herêma Kurdistanê berve Brûkselê birê ket

Yekîtî Media 10/7/2017

Serokê Herêma Kurdistanê Mesûd Barzanî îro ligel şandeke bilind ya Encûmena Bilind a Referandûmê berve derveyî Herêma Kurdistanê birê ket.

Biryar e Serokê Herêma Kurdistanê û şanda pê re serdana Parlementoya Ewropayê li Brûkselê bike û ligel Komîta Pêwendiyên Derve ya  Parlementoya Ewropayê û hejmarek ji berpirsên Belcîkayê bicive.

Serdana wê şandê piştî civîna Encûmena Bilind a Referandûmê tê, ku biryar hatibû dayîn ku çend şand pêk bên, bo serdana welatên derve, welatên cîran, Iraq û aliyên navxweyî bikin.