Parlamentera Kurd Amîna Zikrî behsa dijminên serxwebûnê dike

Parlamentera Kurd Amîna Zikrî behsa dijminên serxwebûnê dike

Yekîtî Media 26/6/2017

Parlamentera Kurdistanê Amîna Zikrî dibêje, ewên li dijî referandoma serxwebûna Kurdistanê dixebitin nikarin bandorê li ser îradeya gelê Kurdistanê bikin.

Parlamentera Kurdistanê û cîgira serokê firaksiyona PDKê li parlamentoya Kurdistanê Amîne Zikrî ji malpera fermî ya PDKê re gotiye, referandom û serxwebûn mijarên niştimanî ne û divê tevahiya hêz û partiyên siyasî nakokiyên xwe bidin aliyekî li dora hev kom bibin.

Amîna Zikrî her wiha gotiye, serxwebûn xewna hemû kurdan lewma dive hemû Kurdistanî xwe bikin yek û bo serketina vê piroseyê kar bikin.

Wê parlamentera Kurdistanê behsa helwesta hinek aliyên siyasî jî kiriye û gotiye, hinek kes û alî li dijî referandomê dixebitin. Ev xelet e û divê ew xeletiya xwe qebûl bikin û vegerin nav referên alîgirên referanodomê. Eger wisa nekin dê ji aliyê gel ve bên cezakirin.

Li gorî Amîne Zikrî, dijîtiya wan li hember referandomê dê bandorê îradeya gelê Kurdistanê neke.