Nûneratiya ENKSê li Herêma Kurdistanê çend civat li kampa Kewirgoskê pêk anî

Şandek ji komîta têkiliyên derve ya nûneratîya ENKSê li Herêma Kurdistanê çend civat li kampa Kewirgoskê pêk anîn..
– Civatek bi rêzdar Nîzar rêveberê kampa Kewirgoskê..
– Civatek bi rêveberiya asayîşa kampa Kewirgoskê..
– Civatek bi rêveberiya encûmena kampê ya xizmetguzarî, û bi nûnerên partiyên kurdî yên di nav ENKSê de li kampê, di roja duşemê 5ê Nîsana 2021an, ji bo şopandina rewşa penaberan ji nêzîk û guhdanê bidin têbînî û pêşniyarên wan û pêşkêşî cihên rayedar bikin ta ku çareserî bibînin ji bo azar û êşên gelê me sivik bikin.

Di civînê de, tekezî li ser kêşe û pirsgirêkên penaberên li kampê de di warê perwerde, tenduristî, karûbar û xwarinê de hate kirin, û pêşniyar hatin kirin ji bo hêsankirina kirdariyên têkildarî mijarên penaberan ji hêla şandeya nûnertiyê ve.

Ji aliyê xwe ve rêzdar Nizar bi xêr hatina şanda nûneratiyê kir, û tekezî kir li ser girîngiya hevrêziyê û pêşkêşkirina pêşniyaran û xebata cidî ji bo xizmeta mirovên wargehê û dabînkirina hemû hêsaniyan ji bo êşa wan sivik bikin, û tekezî kir ku mirovên kampa Kewirgoskê birayên me ne, û li ser axa xwe ne û di nava xelkên xwe de ne û ne mêvan in, û tekez li ser şopandina pêşniyar û têbînîyên ku hatine kirin Pêşniyar ji hêla şandeya nûnertiyê ve.

Şanda ENKSê bi serokatiya birêz Newaf Reşîd serokê nûneratîyê, û endamên komîta têkiliyên derve ( Dr. Kawa Azîzî, Raman Mele, Esmehan Dawûd).

Tê zanîn ku nûneratîya ENKSê li Herêma Kurdistanê gelek çalakî û civîn pêk tînin, da ku êşa penaberên Kurd bigihînin rayedarên pêwendîdar da ku çareserî ji pirsgirêk û azarên wan re bibînin.

You might also like