Kiliçdaroglo: Erdogan dixwaze parlementoyê jî nehêle

Yekîtî Media 29/5/2016

Serokê Giştî yê Partiya Gel ya Komarê (CHP) dibêje, yên dixwazin sîstema serokatî bînin Tirkiyê, heta xwîna wî nerijînin, nikarin vê sîstemê li Tirkiyê bicih bikin.

Serokê Giştî yê Partiya Gel ya Komarê (CHP) Kemal Kiliçdaroglo li bajarê Koln ya Almanyayê, beşdarî çalakiya pîrozbahiya 19’ê Gulanê ya şaxa ciwanên CHP’ê bû, Kiliçdaroglo got, niha Serokomarê Tirkiyê dixwaze parêzgeran, şaredaran, dadweran, balyozan, parlamenteran bixwe erkdar bike û tu rola Parlamentoyê jî nehêle.

Kiliçdaroglo da xuyakirin, dibe ku hin kes vê xeyalê bibînin, lê wek berê jî gotiye, heta ku xwîna wî neyê rijandin û laşê wî neyê binpêkirin, kes nikare sîstemek wiha bîne Tirkiyê.

Kiliçdaroglo, hikûmeta Tirkiyê tometbar kir ku, bi rijandina xwînê ser piyan dimîne û rê daye PKK bajarên bakurê Kurdistanê bi çekan tije bike.