Katî Pîrî : Bi vê Destûrê Tirkiyê nikare bibe endamê Yekîtiya Ewrûpayê

Yekîtî Media 26/4/2017

Raportora Parlementoya Ewrûpayê li ser Tirkiyê Katî Pîrî ragihand ku, bi vê Destûrê Tirkiyê nikare bibe endam di Yekîtiya Ewrûpayê de. Ji ber vê, egera berdewamiya danûstandinên endametiyê jî nîne.

Pejirandina xalên nû yên Destûrî li Tirkiyê piştî referendûma 16ê Nîsan a îsal, di qada Ewrûpa de dibin sedema gengeşeyan. Raportora Parlementoya Yekîtiya Ewrûpayê Katî Pîrî di bersiva rojnamevanan de ragihand ku, ger guherîn wekî hatin pejirandin bikevin nav Destûrê de, deriyên Yekîtiya Ewrûpa li ser Tirkiyê dê bên girtin.