Hevpeymanên Sûriyê gef li Amerîkayê xwarin

Yekîtî Media 7/6/2017

Li Sûriyê hevpeymaniya ku piştgirî dide Beşar Esed ragihand, eger êrîşên esmanî ku li dijî yekîneyên wan têne kirin, neyên rawestandin, ewê leşkerên Amerîkayê bikin armanc.

Amerîka roja sêşemê diyar kiribû, ku li Sûriyê li dijî hêzên alîgirê Îranê êrîşên esmanî hatine pêkanîn. Herwiha hatibû destnîşankirin, ku ew hêz li dijî Amerîkayê gef e.

Hevpeymaniya ku piştgiriya Esed dike, bi îmzeya “Fermandarê Operasyonên Hêzên Hevpeymaniya Sûriyê” hatiye weşandin.

Herwiha Hizbullaha Libnanê jî ew daxuyanî belav kiriye.