Amerîka red dike ku derbarê Minbicê li gel Tirkiyê lihev kiribe

Yekîtî Media
Peyvdara wezareta derve ya Amerîka Heather Nauert,red kir ku welatê wê derberê Minbicê ti rêketin li gel Tirkiyê kiribe û ragihand, ku hêzên Amerîkî ji Minbic dernakevin.
Berî niha wezîrê derve yê Tirkiyê Mewlûd Çawîşoglû ragihandibû, ku derbarê pêşeroja Minbicê, di navbera Enqerê û Waşingtonê de “Têgihiştineke hevbeş” heye û Tirkiyê daxwaz ji Amerîka kiriye ku ji wê navçeyê derkeve û hêzên xwe ji rojavayê Firatê bikişîne, lê peyvdara wezareta derve ya Amerîka ew yek red kir.
Nauert got: “Dibe ku peyvên cuda bên bikaranîn, rêketin, lihevtêgihiştin. Lê tenê ez vê yekê dibêjim, gotûbêjên me li gel Hikûmeta Tirkiyê berdewam in û bidawî nehatine û wê berdewam bin”.