Bavê zarokekî ji bo vegerandina keça xwe ya revandî bang li rêxistinên mafên mirovan dike
Bavê keçeke revandî bang li rêxistinên mafên zarokan û mafên mirovan kir ku fişarê li Hêzên Sûriya Demokrat bikin da ku keça xwe ya biçûk vegerîne malê û vegere dibistanê.
Ibrahîm Dendah bavê zaroka biçûk di daxuyaniyekê de ji Yekîtî Media re got: Keça wî Perwîn ku ji 20ê Mijdara 2022an ve hatiye revandin heta niha ne diyar e û wî serdana hemû navendên girêdayî bi PYD de û Hêzên Sûriyeya Demokrat li Qamişlo û bajarên din kir, lê bê encam bun.
Di hûrgiliyên revandinê de, wî amaje bi wê yekê kir ku di dema vegera wê ji dibistanê de, dema keça wî xwendekara pola nehan bû, ji malê derket û çû mala xaltiya xwe û heta niha tu agahî li ser wê nînin.
Got jî: 6 meh piştî revandinê me daxwaz kir ku em li bajarê Hesekê bi serkirdeyê HSDê Mezlûm Ebdî re bicivin û me bi nivîsgeha peywendîyan re hevdîtin kir û di hevdîtinê de me daxwaz kir ku “Perwîn” vegere welatê xwe. daku şanda pêwendiyan piştrast bike ku keça min li gel wan e û di heyama 20 rojan de dê vegere malê, piştî salek û du mehan pêwendiyê bi me re nekirin û venegeriya malê.
Wî da zanîn ku, berovajî tiştên ku ji aliyê kesên nêzîkî rêveberiya Yekîtiya Demokratîk ve tê kirin, tu pirsgirêk di navbera wan de nînin.
Zaroka biçûk bi navê “Parwîn” li bajarê Qamişlo, 1/1/2009, dayîka wê Fatima Hecî ye û nexweşa gurçikê ye.
Wî destnîşan kir ku ew ê lêgerîna li duv keça xwe bidomîne heya ku ew vegere malê.
Yekîtî Media revandina 60 zarokên temenbiçûk di sala borî de ji aliyê rêxistinên ser bi Partiya Karkerên Kurdistanê li Kurdistana Sûriyê û bakurê Sûriyê ve belge kiribû.
Di sala 2019an de Fermandarê Hêzên Sûriyeya Demokratîk Mezlûm Ebdî bi Nûnera Neteweyên Yekbûyî ya ji bo Zarokan û Şerên Çekdar Vîrgînîa Gamba re planeke pabendbûnê îmze kir ku dawî li leşkerkirina zarokên di bin 18 saliyê de û nehiştina leşkerkirina zarokan. di çalakiyên leşkerî de.
Li gorî çavdêran, rêxistina bi navê : Ciwanên Şoreşger bi revandina zarokên biçûk armanc dike ku mejiyê zarokan li gorî îdeolojiyên Partiya Karkerên Kurdistanê bişo da ku wan bi awayekî leşkerî tevlî refên partiyê bike.
