Serokê Hevbendiya Niştimanî Lêbûrîna Xwe Ji Azayên Sûriyê Dixwaze

Serokê Hevbendiya Niştimanî Sûrî Xalid Xoca, lêbûrîna xwe ji dilêr û  azayên Sûriyê û Şoreşgerên qehreman  û rewanê şehîdên xwîna xwe di ber bilindkirina ala şoreşê de rijandine xwest. Bi sedema şaşitiya bêmebest ya dûrdanîna ala Şoreş û serxwebûnê , di kongirê Rojnamgerî yê hevbeş de di nav Xalid Xoca û serokê Şepola Avakirina Dewleta Sûriyê Lûey Hisên de.
Xoca ji hemû alayên leşkerî xwest ko ala Şoreşê bilind bikin û dev ji hemû alên din yên corbicor berdin. Da alê biyek bikin heta Şoreş amancên xwe bicih bîne.
Û ji bo gotinên ji serokê Şepola avakirina dewletê hatine derketin, Xalid Xoca diyar kir divê Lûey Hisên derbaî wan eger rast in an na bersivê bide. Destnîşan kir ko asta wan gotinan berevajî gotinên Hisên di kongirê rojnamegerî de ye. Û ew ast nagihê asta çi Sûriyekî azad. Eger gotinên derketine rast bin ew li dijî tiştê di daxuyaniya hevbeş de hatine, û divê em li Desteya Giştî ya Hevbendiyê vegerin, da bersiva evê dijberiyê bide û tiştê tê xwestin bike.
Xoca tekez kir ko Şoreşger serkeftinên istiratîcî misoger dikin, digel evê jî Rêjîm ji hundir ve xwe dixwe û hêza xwe a leşkerî û ya civakî jidest dide. Rêjîm ketiye qonaxa windakirina piştgirên xwe yên dawî , bi tevayî xelk têgihane ko Serkêşê Rêjîmê ber bi wêrankirina welat ve diçe, bi hemû pêkhatiyan, da ew li ser desthilatdariyê bimîne, wek ko bi siloganên mirîdên xwe “an Esed an Welat bişewitînin” mest dibe.
Xoca got ketwara nû li ser me ferz dike ko em Şoreşa xwe ji hemû hêlan ve çi leşkerî çi sivîl berdewam bikin. Di heman çaxî de jî em destê xwe ji hemû Sûriyan re dirêj bikin ji bo ber bi Sûriyeke nû bê Esed û stem ve biçin. Ji evê rewşê û ji hizra opozisyoniyê bibal hizra dewletbûnê ya ko hemû pêkhatiyên miletê Sûrî li ser bingeheke hevbeş kom dik biçin. Em kar dikin ko Herêmên rizgar bikin û herêmine hêmin û aram û parastî û Artêşeke niştimanperwer ava bikin da aramiyê biparêze û rê li ber tundrewiyê bigire, û desthilatiyeke sivîl li ewan herêman damezirînin, da rê li ber qonaxa veguhêz veke.
Ji bo dest bi vegerandina Penaber û derbideran bibe û ji nû ve Sûriya bi beşdarbûna hemû Sûriyan ava bibe.
Serokê Hevbendiyê tekez kir ko Hevbendî hêz û aliyan bi hemû cûreyên xwe yên leşkerî û sivîl dide ser hev. Me bingeh danî, da ev kar herdem birengê dezgehî be, her wiha li ser hevkariyê bi hemû pêkhatiyên civaka Sûrî re tekez kir, û her aliyek gerek helwesta xwe ji Rêjîmê bide, di çarçoveya armancên miletê me di rizgarkirina tekûz ji Rêjîma stemkar û zordar û ber bi Sûriyeke dewleta yasa û dad û wekheviyê biçin. Me gaveke giring di evê derbarê de avêtiye bi lihevkirinê bi hemû aliyên Şoreşê yên sivîl û leşkerî û digel hin hêzên opozisyonê jî me danûstandin kiriye.Jêder: Hevbendî