Di hilbijartinên Parlamentoya Swêdê de 3 namzedên kurd bi ser ketin
Hewlêr – Di hilbijartinên Parlamentoya Swêdê de 3 namzedên kurd ên wî welatî karîn derbasî parlamentoyê bibin.
Encamên hilbijartinên Palamentoya Swêdê îro hatin eşkerekirin.
Li gorî encamên hilbijartinan, sê namzedên kurd ji partiyên Sosayal Demokrat, Çep û Jîngehê karîn dengên pêwîst bidest bixin û bibin endamên parlmaentoyê.
Di hilbijartinên Parlamentoya Swêdê de 11 namzedên kurd beşdar bibûn ku 8 namzed jî bûn endamên yedek ên parlamentoyê.
Endamtiya yedek: Eger endamekî/e parlamentoyê nekare bi her awayî (nexweşî, mirin û htd…) nekare erka xwe pêk bîne wê demê endamê/a yedek li cihê wî/wê digire.
Navên namzedên kurd ên derbasî Palamentoya Swêdê bûn wiha ne:
Roza Guçlu: Namzeda Partiya Sosyal Demokat
Cebar Emîn: Namzedê Partiya Jîngehê
Amîne Kake Bawe: Namzeda Partiya Çep
Her çiqas di hilbijartinan de baskê çep ê dijbereyê serketin bidest xist lê Partiya Swêdiyên Demokrat ku partiyeke rastgir û nijadperest e 49 kursî bidest anî, ev bûyer bû sedema şokek siyasî.
Li gorî agahiyên Rûdawê, îhtimal heye yekemînên partiyên serkeftî bibin endamên kabîneya hikûmeta lewma dibe ku 2 namzedên yedek ên kurd bibin endamên palamentoyê ku bi vî awayî endamên kurd ên Parlamentoya Swêdê dibin 5.
(Rûdaw)
