Barzanî digel Wiliam Hêg kongireyeke rojnamevanî li dar xist

Serokê Herêma Kurdistanê Mesûd Barzanî ragihand ku madeya 14 ya destûrê Êraqê derbarê navçeyên ji Kurdistanê qutkirî de, bi dawî bû û em li ser wê gotûbêjan nakin.

Îro 27-6-2014`an roja înê, li bajarê Hewlêrê di heyama kongireyeke rojnamevanî ya Serokê Herêma Kurdistanê digel wezîrê derve yê Birêtanya`yê Wiliam Hêg, ragihand ku êdî ew li ser bicîkirina madeya 140 ya destûrê Êraqê gotûbêjan nakin ji ber ku ew madeya bi paşvekişandina artêşa Êraqê , bi temamî hatiye bicîanîn û pêwîst nake ku mirov li ser wê gotûbêjan bike.

Her weha di çarçoveya kongirreya hevpar ya serokê Herêma Kurdistanê Mesûd Barzanî digel wezîrê derve yê Berêtanya`yê William Hêg, ragihand ku piştî artêşa Êraqê ji wan navçeyan hêzên xwe paşivekişiandiye û ji ber valatiyê pêşmergeyên Kurdistanê cihê wan girtine, êdî li ba me madeya 140 a destûrê Êraqê pêkhatiye û êdî em li ser vê mijarê danustandinan bi yekcarî nakin.

PUKmedia