Asayişa PYDê girtiyek siyasî ji zindanên xwe serbest berda

Yekîtî Media 1/10/2016

Asayişa partiya Yekîtiya Demokrat PYDê , îro şemê 1 meha çêriya pêşî, girtiyek siyasî ji zindanên xwe serbest berda.

Nûçegihanê Yekîtî Media li Çilaxa ragihand ku asayişa PYDê endamê Encûmena şaxî ya partiya demoqrata Kurdistanî-Sûriya Azad Elî Mele Ebdo  ku roja 21 meha Êlûnê hatibû binçavkirin ew serbest berdan.

Tê zanîn, ku bi dehan kes ji endamên partiya Yekîtî ya Kurd û endamên partiya Demoqratî Kurdistanî PDK-S hîn binçavkirîne di zindanên PYDê de, ji ber beşdarbûna wan di cenazeta pêşmerge Hebîb Qedrî de û mangirtinên li dijî kiryarên PYDê.