Welatiyek li ser riya Amûdê – Hesekê hat şelandin

Birêz Ebdulhemîd Elsalih îro şefeqê, li ser destên çekdaran li gundewarê Hesekê hat şelandin..

Çavkaniyên nêzîkî birêz Salih dan xuya kirin ku ew hat şelandin li ser riya Amûdê – Hesekê û bi taybet nêzîkî pira Beko..

Heman jêderan diyar kirin ku koma ku şêlandinê kirin cil û bergên YPG’ê li ber xwe kiribûn, û pere û telefona wî jê sitendin .

Herwiha ku birêz Ebdulhemîd Elsalih berê xwe da bû bajarê Hesekê bi mebesta veguhestina karkeran ber bi bexçeyê xwe li gundewarê Amûdê..

Hêjayî gotinê ku kiryarên talankirin û şelandinê li deverên di bin kontrola PYD’ê zêdetir bûye û yên balkêş ev in : dizîya bi dehan sewalên gundewarê Amûdê û şelandina karmendekî kompanîya diravguhêriyê li dergehê Sêmalka di sala 2020an de ku zêdetirî 500 hezar dolarê Emerîkî pê re hebû..