Hejmara parlamenterên HDP daket 55 an
Yekîtî Media 28/7/2017
Parlamentiya Parlamenterên HDP Faysal Sarîyildiz û Tûba Hezer, bi hiceta neberdewamiya Parlamentoyê hatin daxistin. Bi vê biryarê, hejmara parlamenterên HDP daket 55’an.
Parlamenterên HDP Hezer û Sarîyildiz payîza 2016’ê ji Tirkiyê derketibûn û dengdana daxistina parlamentertî jiber neberdewamiya kar hate kirin.
Piştî biryarê, Cîgira Serokê Koma HDP Fîlîz Kerestecîoglu da xuyakirin, daxistina parlamentertiyê, deqeke reş ya dîroka Parlamentoya Tirkiyê ye û got, Serokwezîrê berê Ehmed Davudoglu jî berdewamiya karê parlamentertiyê nake, lê derbarê wî de tiştek naye kirin.
Bi daxistina parlamentertiya Hezer û Sarîyildiz, hejmara parlamenterên HDP daket 55’an. Hê berê jî parlamentertiya Hevseroka HDP Fîgen Yuksekdag û Parlamentera Diyarbekirê Nursel Aydogan hatibû daxistin. Her weha Îro bi rêznameya nû ya parlamentoyê, jiber nexwendina sûnda parlamenteriyê, Leyla Zana nikare ji mafên parlamentertiyê sûd werbigre, lê parlamentertiya wê berdewam dike.
