Fermandeyekî Pêşmerge: %75ê Kobanî di destê hêzên kurdî de ye

Kobanî – Fermandeyekî Pêşmerge li Kobanî eşkere kir ku niha %75ê Kobanî di destê hêzên kurdî de ye û tenê %25 di destê DAIŞê de maye.
Fermandeyê Pêşmerge û endamê tîma pijîşkî ya Pêşmerge li Kobanî, Dr. Izedîn Temo ji Rûdawê re got, dema hêzên Pêşmerge nû çûbûn Kobanî tenê %25ê Kobanî di destê YPGê de mabû lê niha rewş bi temamî berovajî bûye.
Dr. Izedîn Temo da zanîn ku niha %75ê Kobanî ketiye bin kontrola hêzên kurdî û tenê %25 di destê DAIŞê de maye û wiha got: “Çekdarên DAIŞê tenê li kaşê Miştenûrê mane.”
Li gorî agahiyên wî fermandeyê Pêşmerge, eger DAIŞ ji Miştenûrê jî were derxistin wê çaxê Kobanî bi tevahî rizgar dibe.

(Rûdaw)