Ehmedê Xanî di semînarekê de ji çalakiyên rêxistina ciwanên partiya Yekîtî li Amedê

Yekîtî Media

Di çarçoveya çalakiyên rêxistina ciwanan ya Partiya Yekîtî ya Kurd li bajarê Amedê, semînarek bi sernavê ( Ehmedê Xanî di navbera manfêstoya bûhêrkê û omîda paşerojê de) di roja çarşemê 6/4/2016 hat lidarxistin, mamoste Mustafa Elî semînar pêşkêşkir.

Mustafa Elî bi firehî li ser dîroka kurdî axivî û bi taybet di warê wêjeyî de û pertûkxaneya kurdî ya dewlemend bi berhemên helbestvan û wêjevanên kurd , û nemaze mîrê helbestvanan Ehmedê Xanî.

Mamoste Elî di semînara xwe de amaje bi rola wêjevan û helbestvanên kurd bigiştî kir , û bi taybet rola Ehmedê Xanî di belavkirina çand û kultûrê kurdî yê resen, herweha rola wî di berxwedana lidijî sitemkariyê û zordariyê ya ku ji bal rêjîmên dagîrker li ser miletê kurd dihate çespandin şirovekir.

Di heman semînarê de, mamoste Elî li ser rola Xanî ya balkêş di şiyarkirina kurdan û belavkirina zanist û rewşenbîriyê li hemû navçeyên kurdistanê axivî, nemaze berhema wî ya şaheser manfêstoya netewa kurdî ( Memozîn ).

Li dûmahîka semînarê, deriyê gengeşê û guftûgoyê hat vekirin, û mamoste Elî bersiv da û semînar pê dewlemend bû.