ENKSê daxuyaniyek derbarî reşnivîsa Destûrê belavkir

Yekîtî Media 9/1/2017

Emîndariya Giştî ya Encûmena Niştimanî ya kurd li Sûriyê daxuyaniyek derbarî reşnivîsa Destûra ENKSê belavkir, têde ragihand ku ew reşnivîsa ku li ser alavên ragihandinê hate belavkirin nehatiye biryardan ji layê Encûmena Niştimanî ya Kurd li Sûriyê, ew reşnivîs hîna di warê guftûgoyê û gengeşê de ye.

Herweha ENKSê tekezî li ser projeyê xwe yê siyasî derbarî Sûriyê kir, ku ew Sûriyeke fîdral dîmoqrat piralî daxwaz dike, û danpêdan bi herêma Kurdistana Sûriyê bê kirin wek herêmeke cuxrafî siyasî yekbûyî, û çareseriya doza kurdî li gor belgeyên navnetewî.