Hikûmeta Tirkiyê şandekê dişîne Şamê  

Yekîtî Media 14/10/2016

Hikûmeta Tirkiyê di çend rojên bê de şandekê dişîne Şamê Paytexta Sûriyê û dê ligel rêjîma Beşar Esed danûstandinan encam bide.

Rojnameya “Aydinlik” ya Tirkî li ser zarê jêderekî dîplomasî belav kir, ku Tirkiyê di 4 – 5 rojên bê de bi mebesta danûstandinan ligel rêjîma Sûriyê bike, şandekê dişîne Şamê.

Rojnameyê nivîsiye, şandina wê şandê ji aliyê Tirkiyê ve, guhartineke balkêş e derbarê siyaseta Sûriyê de ye, bi taybet piştî ku çend sal in Tirkiyê daxwaza rûxandina Serokê Sûriyê Beşar Esed dikir.