YNK û PDK li ser rêferandoma serxwebûnê lihev kirin

Yekîtî Media 29/4/2016

Berpirsê Desteya Kargêrî ya Polîtbîroya YNKê Mela Bextiyar ragihand, YNK ligel PDK û partiyên din ên Kurdistanê li ser lidarxistina rêferandoma serxwebûna Kurdistanê lihev kiriye.

Malpera fermî ya Yekîtiya Niştîmaniya Kurdistanê (YNK) PUKmedia ragihand, Berpirsê Desteya Kargêrî ya Polîtbîroya YNKê Mela Bextiyar ragihand, ku YNK û Partiya Demokrata Kurdistanê (PDK) li ser mijara rêferandoma bo serxwebûna Kurdistanê lihev kiriye.

Mela Bextiyar behsa lihevkirina navbera YNKê û PDKê derbarê lidarxistina rêferandoma bo serxwebûna Başûrê Kurdistanê ji Iraqê kir û got: “YNK ligel PDKê li ser rêferandomê lihev kiriye. Herwiha YNKê ligel partiyên din ên Kurdistanê jî li ser heman mijarê lihev kiriye.”