Karwaneke din ji Hêzên Şeibî ên ser bi Rêjîma Sûriyê ve derbasî Efrînê dibe

Yekîtî Media
Karwaneke din ji milîsên Hêzên Şeibî yên ser bi rêjîma Sûriyê bi ala Sûriyê û wêneya Beşar Esed derbasî herêma Efrînê bûn.
Kenala Al-Mayadeen ragihand, îro komeka din ji milîsên Hêzên Şeibî yên ser bi artêşa Sûriyê derbasî Efrînê bûn û li meydana Azadî ya bajarê Efrînê rastî pêşwaziya gel û YPGê hatin.
Cîgirê Serokê Hêzên Şeibî Îbrahîm Mektebî ku bi sereperiştiya wî ew hêz derbasî Efrînê bû ji wê kenalê re got: “Em kesine sivîl in û xwebexş in tevlî hêzên ser bi artêşa Sûriyê bûne. Em hatine rê li ber perçekirina xaka Sûriyê bigirin û hêzên me li tevahiya navçeyên sînorî belav bûne.”