Daxuyaniya civîna Nûneratiya Ewropa ya ENKSê

Yekîtî Media 8/11/2017

Nûnertiya Ewropa ya ENKS’ê civîna xwe ya xulane li 05.11.2017 an bi rêzgirtin li ser ruha şehîdên şoreşa Sûriyê û şehîdên kurd û kurdistanê û nemaze li ser giyanê pêşmergeyên qehreman yên xwîna xwe li pêxema kurdistanê dayîn lidar xist, û paşî çendîn babet û mijarên siyasî û rêxistinî û mediyayî û mîkanîzmên karakirin û pêşxistina rola Encûmena Niştimanî ya kurdî li Ewropa li pêxema qazinc û rajederiya berjewendiya doza rewa ya gelê kurd li Ewropa hatin gengeşekirin, û herwiha di civînê de destxweşî li rola encûmenên xwecihî hat kirin nemaze ji ber têkiliyên wan yên bihêz ligel revenda kurdî ji bo lidarxistina xwepêşandanên piştgiriyê ligel milet û serkirdayetiya herêma kurdistanê li pêşiya balyozxane û kunsolxane û navendên biryardanê li Ewropa, herwiha êrîş û dorpêçkirina hovane ya ji aliyên dewletên dagîrker li ser kurdistanê ya bi palpiştiya artêşa îraqê û milîsên şî’î, nemaze êrîşa hişda şe’bî ya terorîst bi piştevaniya supa pasdarên Îranê ya terorîst û bi serpirştiya rasterast ji aliyê mezine terorîstê îranê Qasim Sulêmanî û xiyantkariya balekî Yekîtiya Niştimanî hat şermezar kirin, tevî şermezarkirina bikaranîna çek û tankên Amerîka yên wêranker li dijî gelê me hevdem ligel bêdengiya dewletên Hevpeymaniya Navdewletî û nemaze bêdengiya Amerîka li hember têkbirina destkeftên herêma kurdistanê yên hatine dest bi saya serkirdayetiya aqilmendane ya serok Masûd Barzanî hilgirê pirojeyê netewî, bi hêncet û bihaneya giştpirsiya li ser mafê çarenivîsa gelê me ya hatî encamdan bi şêwazekî demokrasî û şaristanî nekêmtir ji seqayê helbijartinan yên dibin li demokratîtirîn welatên cîhanê, ku ev yek bu cihê kîna şofînizm û nehezên demokrasiyê û neyarên mafên rewa yên gelê kurd.

Herwiha di civînê de kiryarên PYD’ê yên berdewam ji revandin û girtina serkirde û endam û alîgirên ENKS’ê û pêrewkirina siyaseta takepartiyê ya bi zibruzengê û sepandina leşkeriya neçarî û şerên dikevin bitenê di xizmeta ajende û berjewendiyên dewletên din de û siyasetên valekirina kurdistana Sûriyê ji gelê kurd hatin şermezar kirin.

Li dawiyê dakokî ji aliyê amadebûyan ve hat kirin li ser bilindkirina astê xebatê û berdewamîkirina mangirtin û xwepêşandanan li pêşiya navendên biryarê li Ewropa ji bo gihandina dengê gelê kurd bo raya giştî ya Ewropî û perotestokirina kiryarên regezperêst yên rijêmên dagîrker.

Herwiha bernameyek pêşwext ya çalakiyan ji aliyê nûnertiyê ve bo encûmenên xwecihî hat danîn.

05.11.2017

Nûnertiya Ewropa ya ENKS’ê