Şaredariya Hanover ciwanekî Kurd ji Kurdistana Sûriyê xelatkir

Yekîtî Media 15/1/2017

Roja înê 13ê çile, şaredariya Hanover ya Almanî ciwanê Kurd Kawîn Elî xelatkir, jiber alîkariyên wî wek kesekî xwebexiş bi penaberên ku nuh digihiştin Almaniyayê.

Ew xelatkirin bi amadebûna çend kesayetiyên siyasî û hikumdarî yên bajarê Hanoverê birêve çû, û bi romalkirina piraniya dezgehên ragihandinê li wî bajarî.

Kawîn Elî ciwanekî kurd e, ji bajarê Girkêlegê yê Kurdistana Sûriyê ye, temen 20 salî ye, sala 2015an ligel malbata xwe koçî Almaniya kir piştî ku rewşa Sûriyê aloz bû.