Li Siûdiyê kongirê Riyad 2 yê Rikberiya Sûriyê berdewam e

 Yekîtî Media

kongirê Riyad 2 ji bo yekkirina opozisyona Sûriyê Li Siûdiyê birêve çû û biryar e du rojan berdewam bike.

Di wî kongirî de, ji bilî 3 nûnerên Kurdan, hemû pêkhateyên opozisyona Sûriyê li gel herdu platformên Qahîra û Riyad amade ne, lê platforma Mosko di daxuyanyekî de ragihand ku ew di wî kongirî de amade nabin, ji ber ku di civînên amedekariyê de, ew ne gihane nerîneke hevbeş ji bo pêkanîna şanda opozisyonê.

Armanca lidarxistina kongirê Riyad 2 pêkanîna şandeke hevbeş e ji opozisyonê daku beşdarî danustandinên Cinêvê bibin ku biryar e 28 vê mehê destpê bikin.