Hevpeymaniya Navnetewî firokeyeke rêjîma Sûriyê anî xwarê

Yekîtî Media 19/6/2017

Fermandariya Navendî a Amerîkayê ragihand, Firokeyên Amerîkî doh firokeyeke artêşa rêjîma Sûriyê ji cureya SU 22 li nêzîkî li başûrê Tebqayê xiste xwarê.

Amerîka got ku, firokeya artêşa rêjîma Sûriyê bombe li nêzîkî pêgehên HSD barandin, loma firokeya Amerîkî ji cureya F/A 18 Super Hornet firokeya Sûrî xiste xwarê.

Herwiha daxuyaniyê amaje bi wê jî kir, ku hêzên ser bi artêşa rêjîma Sûriyê ve êrîşî bajarê Tebqayê kirin û hejmarek ji şervanên HSDê birîndar kirin.