Fuad Husên: Referandûm dê biryara dewleta serbixwe eşkere bike
Yekîtî Media 9/6/2017
Serokê Dîwana Serokatiya Herêma Kurdistanê Fuad Husên derbarê referandûma Başûrê Kurdistanê de got: “Di referandûmê de dê pirsiyar bê kirin ka gelo Herêma Kurdistanê û navçeyên Kurdistanî yên derveyê îdareya Herêma Kurdistanê dixwaze bibe dewletekî serbixwe yan ne.”
Serokê Dîwana Serokayetiya Herêma Kurdistanê Fuad Husên derbarê fermana Serokê Herêma Kurdistanê ya derbarê biryara referandûmê de daxuyaniyek belav kir û ragihand, ku Serokê Herêma Kurdistanê Mesûd Barzanî bi fermana jimare 106 a 08/06/2017ê, biryar daye roja 25/09/2017 referandûm bê lidarxistin û ji bo vê armancê jî ji bo bi cîhkirina mafê çarenûsê gelê Kurdistanê, Komîsyona Bilinda Serbixweyiya Hilbijartin û Referandûm raspardiye.
Husên got: “Di vê fermanê de Serokê Herêma Kurdistanê biryar daye, ku referandûm li Herêma Kurdistanê û navçeyên Kurdistanî yên derveyê îdareya Herêma Kurdistanê were kirin û di referandûmê de dê pirsiyar were kirin ka gelo, dixwazin Herêma Kurdistanê û navçeyên Kurdistaniyên derveyê îdareya Herêma Kurdistanê bibe dewletekî serbixwe.
