Salvegera çarem ya komkujiya Amûdê hat vejandin

Yekîtî Media 28/6/2017

Li ser vexwendina xwecihiya ENKSê li bajarê Amûdê bi dehan kes ji xelkên bajarê Amûdê, doh sêşemê, li goristana Şermola kombûn ji bo vejandina salvegera çarem ya komkujiya Amûdê ku bi destê hêzên YPG yên girêdayî PYD hatin kirin.

Xelkên bajarê Amûdê ligel serkirdeyên ENKSê li goristana Şermola civîn û wêneyên pakrewanan bilindkirin û gurzên gulan danîn ser gorên şehîdan, herweha çend gotin bi vê boneyê hatin xwendin.

Tê zanîn ku hêzek ji YPG roja 27 meha 6 sala 2013an êrîşî xwepêşandaneke aştiyane kir û di encamê de 6 kesên sivîl şehîd bûn.