Mogirînî : Beşar Esed berpirsê êrîşa kîmawî ye

Yekîtî Media 4/4/2017

Berpirsa Siyaseta Derve di Yekîtiya Ewropayê de ragihand, Beşar Esed berpirsê sereke yê êrîşa kîmawî ya li Idlibê ye.

Berpirsa Siyaseta Derve di Yekîtiya Ewropayê de Fedrîka Mogirînî û Nûnerê Navdewletî ya Taybet bo Sûriyê Stefan De Mistura li Brukselê derbarê êrîşa kîmawî ya li ser Xan Şêxonê de konferanseke rojnamevanî lidar xistin.

Fedrîka Mogirînî ragihand, Serokê Sûriyê Beşar Esed berpirsê sereke ye di ber êrîşa ku bi kîmawî li Xan Şêxonê hatiye kirin, ji ber ku parastina gelê Sûriyê ji berpirsayetiya wî ye.