Şandek ji partiya Yekîtî serdana siyasetmedar Gibrayêl Mûşê kir

Yekîtî Media 9/7/2016

Doh înê 8ê Tîrmehê şandek ji partiya Yekîtî ya Kurd li Sûriyê serdana bargeha rêxistina Asûrî li Qamişlo kir, bi helkeftina serbest berdana berpirsê nivîsgeha siyasî Gibrayêl Mûşê piştî du salan ji binçavkirinê ji rex liqê ewlekariya dewletê yê bi ser Rêjîma Sûrî ve.

Şanda partiya Yekîtî ji endamên komîta navendî , Mihemed Mistefa, Ebdilsemed Xelef Biro, Hesen Salih, Sebrî Kinco, Ebdelah Gedo pêkhat.

Siyasetmedar Gibrayêl Mûşê bi dîroka 19/12/2013 ji rex liqê ewlekariya dewletê li Qamişlo hat binçavkirin bi egera tevlêbûna rêxistineke nehênî û hewldana rûxandina rêjîmê li Sûriya.