PKK/OCALAN DÊ BI MÎSYONEKE NÛ LI DIJÎ KURDAN Û TEVGERA NETEWEYÎ YA KURDISTANÊ Û RÊXISTINÊN KURDISTANÊ TEVBIGERE…
Armanc û mîsyon û manîfestoya damezranêr ya PKKê, bi katlîam û manîpûlasyonê tasfiyekirina Rêxistinên Kurdistanê û Tevgera Neteweyî û kurdan ji hedefa serxwebûna Kurdistanê dûr xistin bûm.
Loma jî bi awayê demagojiyê “Kurdistana Yekgirtî û Serbixwe” bi kar anî ku rêxistinên Kurdistanê bikare îzole bike.
Di armanc û mîsyona xwe de mûwaqqet be jî serkeftî bû.
&&&&&
PKK, di qonaxa nû de yanî piştî daxûyaniya Devlet-Ocalan ev carê bi armanc û mîsyoneke nû tevbigere.
Di Peymana Devlet-Ocalan de hat diyar kirin ku divê Kurd bi dewletê re bibin yek. Dewleta serbixwe ya Kurdistanê, dewleta federal ya Kurd-Tirkan, otonomî, xweserî daxwaz nekin.
Lewra ew daxwazan bi sosyolojiya Kurdistanê re ne lihevkirî ne.
Dema Kurd û rêxistinên Kurdistanê ji bona dewleta serbixwe, dewleta federal, otonomiyê, xweserî têkoşîn bidomînin û xwediyê daxwazeke rewa bin, dê çi bibe?
Mîsyona PKKê ya nû, bersîva vê pirsê ye.
Ew bersîv jî, PKK dê bi piştgiriya Dewleta Kolonyalîst a Tirk li dijî Kurdan û rêxistinên Kurdistanê yên ji bona Dewleta Serbixwe ya Kurdistanê û Dewleta Federal û statuyê din şer bikin, dê mîsyona xwe ya nû ya li dijî wan, bi şer pêk bîne.
&&&&&
Loma daxwaza Ocalan ku dibêje; “PKKê mîsyona xwe di sala 1990î de qedand û diviya ku wek gelek rêxistinên li dinyayê xwe holê rakira, lê nekir. Lê divê PKKê nûha dev ji çek berde û xwe fesih bike”.
Bê şik ev daxwaza erênî ye û li berjewendiya neteweya Kurd e.
Lê ez ne di wê baweriyê de me ku PKKê vê daxwazê cî bi cî bike.
Ji bona PKKê dev ji çek bernede û xwe fesih neke gelek sedemên mezin hene. Dewletên ji PKKê re piştgirî dikin, vê yekê naxwazin.
Berjewendiya baronên PKKê û Qendîlê jî, ji bona çekberdan û fesihkirinê dest nade. Lewra tê zanîn ku PKKê ya bê çek bepirsên PKKê bê wate dike.
ÎBRAHîM GUÇLU
