Qamişlo : partiya Yekîtî bi mangirtinekê li dijî binçavkirina serkirdeyên xwe ji hêla asayişa PYDê ve derket

Yekîtî Media 19/11/2016

Li bajarê Qamişlo, doh Înê, li ser vexwendina nivîsgeha jin û ciwanan ya partiya Yekîtî ya Kurd bi sedan xelkê Qamişlo bi mangirtinekê derketin, li pêşiya bargeha partiya Yekîtî ya Kurd li Qamişlo, jibo şermezarkirina binçavkirina serkirde û endamên partiya Yekîtî ji rex asayişa partiya Yekîtiya Demokrat PYD li bajarê Amûdê.

Di wê mangirtinê de, Hesen Salih cîgirê sekretêrê partiya Yekîtî gotinek bi navê partiyê xwend, têde kiryarên PYD bi tundî şermezarkirin, û got, ku PYD dûrî wê dîmokrasiyê ye ya ku ew pê bang dike, herweha Salih tekezkir ku ew berdewam in di çalakiyên xwe yên aştiyane de ta ku hemû girtiyên siyasî serbest bêne berdan.