Şandek ji partiya Yekîtî behîdariya malbata pakrewanê pêşmerge Danyal Mehmûd kir

Yekîtî Media 9/7/2016

Roja çarşemê 6ê Tîrmehê, şandek ji serkirdayetiya Partiya Yekîtî ya Kurd li Sûriyê ligel rêxistina Amûdê ya partiya Yekîtî behîdariya malbata pakrewanê pêşmergeyê roj Danyal Hewas Mehmûd li gundê Çolmê Gabara li gundewarê Amûdê kir.

Hesen Salih cîgirê sekretêrê partiya Yekîtî gotina partiyê xwend têde anî ziman ku pakrewan Danyal canê xwe gorî Kurdistanê kir daku xaka Kurdistanê û rûmeta gelê kurd biparêze.

Pakrewan Danyal Hewas Mehmûd sala 1992 li taxa Miftî li Hesekê ji dayik bûye, roja sêşemê rêkeftî 5/7/2016 li mihwerê Askê li Mûsilê şehîd ket.