Li Dêrazorê Hêzeke Amerîkî operasyonek daketina esmanî pêkanî

Yekîtî Media 31/8/2017

Hevpeymaniya Navdewletî operasyoneke daketina esmanî li Dêrezorê dike û hejmarek ji çekdarên DAIŞê vedikişîne.

Li ajansa “RT” a Rûsî ku li ser zarê hin jêderên xwecihî veguhastine, Hevpeymaniya Navdewletî duh danê êvarê operasyoneke daketina esmanî li gundê “El-Mesreb” 10 K.M li başûrê Dêrezorê encam daye.

Li gor zanyariyên wê ajansa Rûsî, di encama operasyona daketina esmanî de, Hevpeymaniya Navdewletî hejmarek ji çekdarên DAIŞê vekişandin û ligel xwe birin.

Berî pêr jî, Hevpeymaniya Navdewletî di riya operasyoneke daketina esmanî li rojavayê Dêrezorê 2 çekdarên DAIŞê yên Ewropî ligel malbatên wan vekişandibûn.