Hîro Ehmed piştgirya helwesta Serok Barzanî dike

Yekiti Media

Endama nivîsgeha Siyasî ya partîya Yekîtî Niştimanî Kurdistanî YNK Hîro Ibrahîm Ehmed derbarê pirsa posta serok komarê Iraqê piştgiriya helwesta serok Mesûd Barzanî kir.

Ehmed di daxuyaniyekê de ragihand ku pêwîste posta serok komarê Iraqê di navbera hêzên Kurdistanî de bê çareserkirin û li ser berbijêrekî li hev bikin.

Ji hêla xwe ve serok Mesûd Barzanî heman helwest berî çend rojan di daxuyaniyekê de ragihandibû û wî ji li ser lihevkirinê di navbera hêzên Kurdistanî de tekez kiribû.

Tê zanîn ku berlimana Iraqê roja Sêşemê 2-10-2018 ji bo hilbijartinê serok komarê Iraqê destnîşan kiriye.