Heleb di rewşeke mirovî aloz de ye û berdewamiya dorpêçkirin û bombebaranê

Yekîtî Media 29/11/2016

Rewşa jiyana niştecihên Helebê aloztir dibe bi berdewambûna dorpêça wê ji hêla hêzên Rêjîma sûrî û milîsên Îranî ve, ku bûye 87 roj li ser hev êrîşên asmanî bi beşdarbûna firokên Rûsî berdewam in, piştî operasiyona leşkerî ya dawî ku ji 15 vê mijdarê destpê kiriye.

Emîndarê giştî yê Encûmena parêzgeha Heleba azad, Ebdulrezaq Rezûq ji “Toreya Şam” re diyar kir ku rewşa jiyanê li Helebê ber bi têkçûnê ve diçe, bi sedema kêmbûna heyberên xwarinê û li ser vê yekê got: “hesreta xelkê nanek e.”