Emîndariya Giştî ya ENKS biryara derketina mangirtinan li dijî kiryarên PYD da

Yekîtî Media 14/8/2016

Îro duşemê 14ê Tebaxê , Emîndariya Giştî ya Encûmena Niştimanî ya Kurd li Sûriyê ENKS civînek awarte li Qamişlo girêda, ji bo kiryarên alîgir û çekdarên partiya Yekîtiya Dîmokrat PYD li dijî navend û hevalên ENKS, û bûyera revandina serokê ENKS Ibrahîm Biro û dûrxistina wî ji bo Herêma Kurdistana Iraqê.

Endamê Emîndariya Giştî Ebdulsemed Xelef Biro ji Yekîtî Media re ragihand, ku ENKS biryara derketina bi mangirtinan li hemû bajar û bajarokên Kurdistana Sûriya standiye, li gel derxistina mangirtineke navendî li bajarê Qamişlo roja sêşemê 16ê Tebaxê demjimêr 6ê êvarî li ser kolana Hîzamê nêzîkî nivîsgeha partiya Yekîtî ya rojhilatî Qamişlo.