Serok Barzanî ji parlamentoya Ewropa re: Em ji serxwebûnê venagerin

Serok Barzanî ji parlamentoya Ewropa re: Em ji serxwebûnê venagerin

Yekîtî Media 12/7/2017

Serokê Herêma Kurdistanê Mesûd Barzanî li Brukselê ragihand, referandum bo serxwebûnê ye û gotûbêjên me li gel Bexdayê derbarê piştî serxwebûnê de dibin. Barzanî herwiha got: “Kes bi zelalî ji me re negotiye, ku dijî referandumê ne, tenê li gel hinek welatan me nêrînên ciyawaz heye li ser dema wê.”

doh sêşemê 11ê Tîrmeha 2017ê, Serokê Herêma Kurdistanê Mesûd Barzanî û şanda Encumena Bilinda Referanduma Kurdistanê li baregeha Parlamentoya Yekîtiya Ewropayê li Brukselê li gel hejmarek parlamenterên wê yekîtiyê civiyan.

Mesûd Barzanî di vê civîna berfireh de, gotarek pêşkêş kir û di gotara xwe de behsa pêngavên Herêma Kurdistanê bo sazdana referandumê û serxwebûna Kurdistanê kir.