ENKSê: PYD bi kiryarên xwe yên terorane milet dajo koçberî û penaberiyê

Yekîtî Media 24/5/2017

Emîndariya giştî ya Encûmena Niştimanî Ya Kurd li Sûriya ENKSê daxuyaniyek belavkir, têde bi tundî girtina endamê komîta siyasî ya partiya Yekîtî ya Kurd Silêman Oso û girtina endamê polîtbîroya PDKSê Nafih Ebdela şermezarkir.

ENKSê di daxuyaniyê de eşkere kir, ku mebesta PYD ji van kiryarên terorane ew e ku miletê kurd dehf bidin li ser koçberî û penaberiyê û guhertineke dîmografî li navçeyê çêkin, ew karê ku rêjîma Sûrî dikir û têde bi ser neket.

Di dawiya daxuyaniyê , ENKSê tekezkir ku ew dê berdewam bin di xebata xwe ya siyasî de bi hemû şêweyên aştiyane ji bo ku rê li kiryarên PYD yên terorane bigrin.