Balyozê Amerîkî li Hewlêrê lgel şanda ENKSê civiya

Yekîtî Media 7/6/2017

Doh sêşemê, li Hewlêrê paytexta Herêma Kurdistanê , balyozê giştî yê Amerîkayê li Herêma Kurdistanê pêşwaziya şanda ENKSê kir, bi serokatiya serokê ENKSê Ibrahîm Biro û endamê emîndariya giştî Siûd EL-mela û Mistefa Sîno endamê komîta pêwendiyên derve.

Şanda ENKSê hemû berpêkên ji wan re çêdibin ji aliyê Rêjîma Sûrî û PYDê ve rave kirin, û bi taybet kiryarên PYD û binçavkirina wan ji serkirdeyên ENKSê re û şewitandin û girtina nivîsgehên partiyan û yên ENKSê.

Herweha şanda ENKSê tekezî li ser redkirina belgeya çarçoveya cîbicîkar ya desteya bilind ya rikberiyê , ku ew li dijî daxwzên miletê Sûrî û li dijî mafên miletê Kurd e.

Ji aliyê xwe ve balyozê Amerîkî tekezkir ku ew van kiryarên PYD şermezar dikin, û ew tenê alîkariya leşkerî bi wan re dikin, herweha tekezkir ku ewê naveroka van danûstandinan dê bighîne wezareta derve ya Amerîkayê di nêzîktirîn dem de.

You might also like

Comments are closed.