Artêşa Tirkiyê xakên sînorî li Efrînê desteser dike

Yekîtî Media 23/1/2017

Artêşa Tirkiyê, roja yekşemê 22ê çile, xakên girêdayî gundê Kurdo li navçeya Bilbilê li gundewarê Efrînê desteserkirin, piştî ku zirpoşên leşkerî yên Tirkî 300 m derbasî xaka Kurdistana Sûriyê bûn û bi dirêjahiya 3 km li ser sînorê wê navçeyê.

Herweha artêşa Tirkiyê, rojên înê û şemê 13 û 14ê çile, zêdetirî 1300 darên zeytûnan li gundê Qermîtliq yê girêdayî navçeya Şêx Elhedîd li gundewarê Efrînê ji kok ve rakirin, bi merema avakirina dîwarekî li ser sînor.